ՀՀ ոստիկանության կազմակերպած հանցավորության դեմ պայքարի գլխավոր վարչության կոռուպցիայի և տնտեսական գործունեության դեմ ուղղված հանցագործությունների հակազդման վարչության, Շիրակի մարզային վարչության և Մուշի բաժնի ծառայողները համատեղ օպերատիվ-հետախուզական միջոցառումների արդյունքում կոռուպցիոն բնույթի հանցագործության վերաբերյալ օպերատիվ տվյալներ են ստացել։
Այս մասին հայտնում են ոստիկանությունից:
Ըստ տեղեկությունների՝ Շիրակի մարզպետարանի սոցիալական ապահովության «Գյումրի 2» տարածքային բաժնի տեսուչներից մեկը մի կնոջ նպաստառուների ցուցակում ընդգրկելու, իսկ հետագայում նպաստից չզրկելու համար 2017-2018 թվականների ընթացքում պահանջել ու ստացել է ընդհանուր 63.000 դրամ կաշառք։ Նույն կնոջը 2019 թվականի նպաստառուների ցուցակում ընդգրկելու համար էլ տեսուչը պահանջել է երկու ամսվա նպաստի գումարը’ ընդհանուր 56.000 դրամ։
Հուլիսի 22-ին պահանջած կաշառքը վերցնելու պահին ոստիկանության ծառայողները բռնել են նրան ու բերման ենթարկել ոստիկանության Մուշի բաժին։
Դեպքի առթիվ քրեական գործ է հարուցվել։ Հանգամանքները քննությամբ պարզվում են։
![ÐÐµÑ Ð¾Ð¿Ð¸ÑÐ°Ð½Ð¸Ñ ÑоÑо.](https://scontent.fevn1-4.fna.fbcdn.net/v/t1.0-9/67756805_2503747566312158_1363786420107345920_n.jpg?_nc_cat=101&_nc_oc=AQkJsE8i36o7kX1dqPOH-oG0MWIRPgTEmUGKT2CZy1mpYvuyiv8dTyGtdzoUOZHVdC8&_nc_ht=scontent.fevn1-4.fna&oh=22e0540feb2f2a62060e4d7d350c8bae&oe=5DAFDE96)
![ÐÐµÑ Ð¾Ð¿Ð¸ÑÐ°Ð½Ð¸Ñ ÑоÑо.](https://scontent.fevn1-4.fna.fbcdn.net/v/t1.0-9/67082392_2503747626312152_8529070301210738688_n.jpg?_nc_cat=108&_nc_oc=AQk-LEyojtsYj0Bq7t3CQe7V5qzu-uNWmBOEysLlhE4eVJEBOAt_bEjMZIMe_b7fgqo&_nc_ht=scontent.fevn1-4.fna&oh=4616b0d93e5d7480e95b15ea0cd02fb3&oe=5DA8DBD1)