Կառավարության հերթական նիստի ժամանակ կրթության և գիտության նախարար Արայիկ Հարությունյանը և առաջին փոխվարչապետ Արարատ Միրզոյանը նշեցին, որ օրակարգի 5 և 19 հարցերում սրբագրման և տեխնիկաական ուղղման աշխատանքներ կան, որոնք պետք է շտկվեն:
5-րդ հարցը կառավարության 2017 թվականի դեկտեմբերի 28-ի N 1717-Ն որոշման մեջ լրացումներ կատարելու և Հայաստանի Հանրապետության կրթության և գիտության նախարարությանը գումար հատկացնելու մասին էր, իսկ 19-րդը վերաբերում էր 2018 թվականի պետական բյուջեում և Հայաստանի Հանրապետության կառավարության 2017 թվականի դեկտեմբերի 28-ի N 1717-Ն որոշման մեջ փոփոխություններ ու լրացումներ կատարելու մասին կառավարության որոշմանը:
Վարչապետ Նիկոլ Փաշինյանը չառարկեց, որպեսզի կառավարության կողմից նախագիծը հաստատվելուց հետո սրբագրվի:
«Եթե դրանք բովանդակային չեն, ապա կարելի է»,-նշեց Փաշինյանը:
Չզեկուցվող հարցերի փաթեթը կառավարության կողմից հաստատվեց:
