Վերաքննիչ քրեական դատարանն այսօր մերժեց Հայ ազգային կոնգրեսի (ՀԱԿ) չորս երիտասարդ ակտիվիստներ Տիգրան Առաքելյանի, Արտակ Կարապետյանի, Սարգիս Գևորգյանի, Դավիթ Քիրիմիջանյանի պաշտպանների կողմից ներկայացված վերաքննիչ բողոքը և անփոփոխ թողեց Կենտրոն և Նորք-Մարաշ վարչական շրջանների ընդհանուր իրավասության դատարանի դատավճիռը: Որոշումը հրապարակելուց հետո` ՀԱԿ ակտիվիստները բողոքի ակցիա սկսեցին հենց նիստերի դահլիճում: Վանկարկում էին ազատություն ամբաստանյալներին, վիրավորական խոսքեր էին ուղղում դատավորիների, գործով մեղադրող դատախազի, հանրապետության նախագահի հասցեին, թղթեր էին գցում դատավորների ուղղությամբ: Բողոքի ակցիան շարունակվեց նաև դատարանի բակում: ՀԱԿ ակտիվիստները որոշեցին ակցիան շարունակել նաև նախագահի նստավայրի մոտ:
Հիշեցնենք, ու Կենտրոն և Նորք-Մարաշ վարչական շրջանների ընդհանուր իրավասության դատարանը երիտասարդներին դատապարտել է 2-ից մինչև 6 տարվա ազատազրկման:
Հանրային թղթակից` Արա Ղարագյոզյանը
Աղբյուրը` Իրավաբան.net
