Առողջապահության նախարարի N 337-Ա հրամանով՝ ուժը կորցրած է ճանաչվել 2004 թվականի ապրիլի 13-ին «Ռ և Պ Սկէնառ առողջության վերականգնողական կենտրոն» սահմանափակ պատասխանատվությամբ ընկերությանը տրված բժշկական օգնության և սպասարկման իրականացման թիվ Կ-XX-000513 լիցենզիան:
«Հայաստանի Հանրապետության առողջապահության նախարարության աշխատակազմի լիցենզավորման գործակալության պետ Կարեն Կոստանյանին`
1) ապահովել լիցենզիայի դադարեցման մասին տեղեկությունների գրանցումը համապատասխան գրանցամատյանում,
2) եռօրյա ժամկետում ապահովել սույն հրամանի առաքումը գերատեսչական նորմատիվ ակտերը հրապարակող մարմին և Հայաստանի Հանրապետության կառավարությանն առընթեր պետական եկամուտների կոմիտե»,-նշված է եղել հրամանի մեջ:
Հրամանն ուժի մեջ է մտել փետրվարի 9-ից:
Հիշեցնենք, որ ՀՀ առողջապահության նախարարության աշխատակազմի առողջապահական պետական տեսչության կողմից 2015թ. հունվարի 16-ին հարուցվել էր վարչական վարույթ:
