Շամիրամում 4 եզդիների սպանության գործով դատական նիստի ընթացքում վիճաբանություն է տեղի ունեցել

Աշտարակի դատարանում մեկնարկել է Շամիրամ գյուղի սգո սրահում տեղի ունեցած չորս անձանց սպանության գործով դատական նիստը:

Նիստը նախագահում  է դատավոր  Սուրեն Մնոյանը։ Ամբաստանյալներ Թելման Քալաշյանը, Քյարամ Քալաշյանն ու տուժածների իրավահաջորդները, դահլիճում ներկաները սկսեցին վիճաբանել և վիրավորանքներ հնչեցնել:

Դատական կարգադրիչներն ու ոստիկանության ծառայողները դատական նիստի կագը խախտողներին հեռացրեցին դահլիճից։ Սակայն որոշ ժամանակ անց նրանք վերադարձան դահլիճ:

Ըստ մեղադրական եզրակացության՝ Թելման Քալաշյանին մեղադրանք է առաջադրվել այն բանի համար, որ նա 2017թ. օգոստոսի 1-ին Արագածոտնի մարզի Շամիրամ համայնքի գերեզմանատանը կից սգո սրահում, շատերի կյանքի համար վտանգավոր եղանակով կատարել է չորս անձանց սպանություն, բացի այդ, 1999թ. ապօրինի կերպով ձեռք է բերել, պահել հրազեն եւ ռազմամթերք, 2012թ. դեկտեմբերից մինչեւ 2014թ. նոյեմբերն ընկած ժամանակահատվածում կատարել է վաշխառություն` որի հետեւանքով տուժողներն ընկել են նյութական ծանր կացության մեջ, 25.08.2017թ. կատարել է նաեւ սուտ մատնություն:

Թելման Քալաշյանի հորեղբորը՝ Քյարամ Քալաշյանին մեղադրանք է առաջադրվել այն բանի համար, որ նա պարտակել է առանձնապես ծանր հանցագործությունը` շատերի կյանքի համար վտանգավոր եղանակով, չորս անձանց սպանությունն իրականացրած Թելման Քալաշյանին:

ՔՕ-ի 334-րդ հոդվածի 1-ին կետի հատկանիշներով։

Իրավաբան.net

Հետևեք մեզ Facebook-ում

  Պատուհանը կփակվի 6 վայրկյանից...   Փակել