Կիրակի օրը, Հունաստանի ֆուտբոլային լիգայի առաջատարներ Սալոնիկի PAOK և Աթենքի AEK ֆուտբոլային ակումբների միջև տեղի ունեցած հանդիպումը դադարեցվել է այն բանից հետո, երբ PAOK-ի նախագահը խաղադաշտ ներխուժեց ատրճանակով:
Խաղի 89-րդ րոպեին 0:0 հաշվի ժամանակ ՊԱՕԿ–ը գրավեց մրցակցի դարպասը, սակայն մրցավարը գնդակը չհաշվեց։ PAOK-ի նախագահ Իվան Սավիդիսը խաղադաշտ է մտել ատրճանակով զինված և փորձել «համոզել» մրցավարին։
AEK-ի խաղացողները անվտանգության նկատառումներով խաղադաշտից դուրս են եկել և այլևս դաշտ չեն վերադարձել։
Խաղն ավարտվեց երկու ժամ անց սակայն հաղորդվեց, որ մրցավարը փոխել է իր որոշումը։
Այն բանից հետո, երբ մրցավարը խաղից դուրս վիճակ գրանցելով չհաշվեց գնդակը, Սավիդիսը իր թիմին հրահանգեց խաղադաշտից հեռանալ, այնուհետև քայլեց դեպի մրցավարը, սակայն նրան հետ պահեցին թիկնապահները։
PAOK-ը Հունաստանի առաջնությունում ընթանում է երրորդ տեղում և հաղթանակի դեպքում կարող էր ևս երկու միավորով մոտենալ առաջատարներին։
