Երեկ տեղեկություն տարածվեց այն մասին, որ Զովունի գյուղի սգո սրահներից մեկում հրդեհ էր բռնկվել, այրվել էր դագաղն ու հատակի գորգը:
Ազատ դեմոկրատներ կուսակցության ներկայացուցիչ Արմեն Առաքելյանը ֆեյսբուքյան իր էջում դեպքի վերաբերյալ գրառում է կատարել.
«Հանգուցյալ Ռազմիկ Առաքելյանն իմ հորեղբայրն է: Թախանձագին խնդրում եմ դադարեցնել այս իրադարձությունը լրատվական սենսացիա և շոու սարքելու գործողությունները: Խնդրում եմ հարգել հարազատների գերծանր հոգեվիճակը և ձեռնպահ մնալ անբախ զամբախ մեկնաբանություններից: Ճիշտ է, կատարվածի մեջ սկսած միստիկայից, անփութությունից դիտավորությունից բոլոր էլեմենտները առկա են: Ընթանում է քննություն դեռ ոչինչ պարզ չի: Քննությունը ավարտվելուց հետո խոստանում եմ եթե Ձեզ հետաքրքրում է, մանրամասն տեղյակ պահել: Իսկ հիմա խնդրում եմ դադարեցնել քոմենթները, սուտ ու պատիր լուրերի տարածումը: Ձեր ՖԲ ընկեր Արմեն Առաքելյան»։
