Ինչպես արդեն տեղեկացրել էինք, հայկական մի շարք վաճառակետերում վաճառվում են թուրքական արտադրության լոլիկ, Ադրբեջանից ներմուծված միրգ, մասնավորապես խնձոր, ինչի պատճառով հասարակական բավական մեծ աղմուկ է բարձրացել: Ապրանքների վաճառքն այս պահին նույնպես շարունակվում է:

ՀՀ ԳՆ սննդամթերքի անվտանգության պետական ծառայությունը հայտարարություն էր տարածել, որ շուկայում լայնածավալ ուսումնասիրություններ է կատարել՝ պարզելու համար՝ արդյո՞ք ադրբեջանական ծագման խնձոր է իրացվում հայկական շուկայում և արդյո՞ք միայն վաճառքի նշված կետում:
Ծառայությունը նշել էր, որ ՍԱՊԾ տեսուչները տեղում արգելել են նշված խնձորների վաճառքը և հանձնարարել ոչնչացնել դրանք: Սակայն ՀՀ ԳԱԱ Էկոկենտրոնի սննդի շղթայի ռիսկերի գնահատման կենտրոնի ղեկավար Դավիթ Պիպոյանն իր աշխատանքային խմբով շրջել է Մալաթիայի շուկայում, որտեղ էլ (մասնավորապես մեծածախ վաճառքի կետերում) հայտնաբերվել է, որ շարունակվում են ադրբեջանական ծագման խնձորների վաճառքը:

«Վստահ եմ և հենք ունեմ կասկածելու՝ որ այդ խնձորը շուկայից չէր հանվել և պետական լիազոր մարմինը որևէ ցանկություն չուներ այն շուկայից դուրս հանելու և, այլ միայն աչքակապություն էր ու միայն նմանատիպ հայտարարություններ»,-նշեց Պիպոյանը:

Առավել մանրամասն՝ դիտեք տեսանյութում.

https://www.facebook.com/david.pipoyan/videos/10206451797573425/

https://www.facebook.com/david.pipoyan/videos/10206451847614676/

Նյութը պատրաստվել է «Հանրային վերահսկողության և կոռուպցիոն ռիսկերի կանխարգելման մեխանիզմների ուժեղացումը սննդի անվտանգության ոլորտում ծրագրի» շրջանակներում, որն իրականացվում է ՀՀ Նախագահի աշխատակազմի կողմից Իրավաբանների հայկական ասոցիացիային տրամադրվող դրամաշնորհային ծրագրի և Հայաստանի երիտասարդական հիմնադրամի հայտարարած մրցույթի շրջանակներում: 

Իրավաբան.net