«Մենք ապրում ենք շուկայական տնտեսության պայմաններում, պլանային տնտեսություն չէ, որպեսզի ֆիքսված գներ մնան». լրագրողների հետ հանդիպման ժամանակ նման կարծիք հայտնեց Հայաստանի սպառողների ազգային ակադեմիայի փոխնախագահ Ռուբեն Հայթյանը:
Վերջին շրջանում շուկայում նկատվող թանկացումների համար Հայթյանը հայտնում է, որ պետք չէ մեծ աղմուկ բարձրացնել. «Այլ բան է, եթե մենաշնորհ է, և մենք գիտենք, որ օրինակ շաքարավազի, ալյուրի, բուսկան յուղի, վառելիքի մենաշնորհներ կան, և այդ պայմաններում պետք է պետության միջամտությունը»:
Կազմակերպության փոխնախագահը հայտնեց, որ դրա դեմ պայքարի համար ստեղծվել է «Հայաստանի հանրապետության մրցակցային և հակամենաշնորհային պետական հանձնաժողովը», որը գոյատևում է հարկատուների հաշվին և նման դեպքերում պարտավոր է կատարել իր գործողություններն ու բոլորիս ներկայացնի:
«Մոտ 40-50 դրամով թանկացել է շաքարավազը, այլուրը, որոշ բուսական յուղեր, հատկապես ձիթապտղի և կտավատի, որոշ ցիտրուսներ, էկզոտիկ մրգեր: Գյուղատնտեսական մթերքների շուկաներում գները նորմալ է: Մասսայական գների բարձրացում չկա, իսկ բարձրացումները թե ինչի հետ է կապված, պետք է զբաղվի հանձնաժողովը»,-եզրափակեց Հայթյանը:
Բացի այս հավելվեց նաև, որ թանկացումներ՝ կրկին 30-50 դրամի շրջանակներում, նկատվում է նաև ծխախոտների վաճառքում:
Ալիսա Չիլինգարյան
Նյութը պատրաստվել է «Հանրային վերահսկողության և կոռուպցիոն ռիսկերի կանխարգելման մեխանիզմների ուժեղացումը սննդի անվտանգության ոլորտում ծրագրի» շրջանակներում, որն իրականացվում է ՀՀ Նախագահի աշխատակազմի կողմից Իրավաբանների հայկական ասոցիացիային տրամադրվող դրամաշնորհային ծրագրի և Հայաստանի երիտասարդական հիմնադրամի հայտարարած մրցույթի շրջանակներում:
