Արդարադատության նախարար Արփինե Հովհաննիսյանն այսօր Ազգային ժողովում պատասխանելով պատգամավոր Գագիկ Ջհանգիրյանի հարցին, հայտարարեց.
«Կարծում եմ՝ առաջիկայում խորհրդարանը հնարավորություն կունենա քննարկելու քրեական օրենսգրքում համապատասխան լրացում կատարելու օրենքի նախագիծը, որը մասնավորապես վերաբերում է ապօրինի հարստացմանը»:
Նախարարը հիշեցրեց, որ կոռուպցիայի դեմ պայքարի խորհրդի կողմից տրված հանձնարարականների համապատասխան՝ նախարարությունում ապօրինի հարստացմանը, ինչպես նաև դրան առնչվող այլ գործիքներին վերաբերող փաթեթներ են մշակվել, կատարվել են ուսումնասիրություններ, վեր է հանվել միջազգային փորձը, որոնք, ըստ նախարարի, անհրաժեշտ են համապատասխան իրավապահ մարմիններին հնարավորություն ընձեռտնելու, որ գործողություններ նախատեսեն:
Նա հայտնեց նաև, որ նախագիծը գտնվում է քննարկման փուլում ու առաջիկայում կմտնի խորհրդարան:
Գագիկ Ջհանգիրյանը արձագանքելով՝ ասաց. «Եթե անգամ ապօրինի հարստացման մասին օրենքը ընդունվի, դրանից առաջ բոլոր ապօրինի հարստացման դեպքերին մենք համաներում ենք հայտարարելու»:
Իրավաբան.net
