Շուտով սպասվում է ՀՀ գլխավոր դատախազի պաշտոնում Արթուր Դավթյանի նշանակումը, ով ներկայումս գլխավոր դատախազի տեղակալ է: Ներկայացնում ենք նրա վերջին տարիների ընթացքում հայտարարագրած գույքն ու եկամուտները:
Արթուր Դավթյանը դեռսև 2013 թվականին Երևան քաղաքի դատախազի պաշտոնը ստանձնելու պահին հայտարարագրել է.
- Անհատական բնակելի տուն` հողամասի վրա կառուցված և իր տնտեսական շինություններով,
- Բնակարան՝ բազմաբնակարան շենքում,
- 3 հատ հողամաս,
- VOLKSWAGEN TOUAREG 3.2 ամենագնաց մեքենա,
- 8 միլիոն դրամ խնայողություն
- Եկամուտը կազմել է շուրջ 15 միլիոն դրամ, որից 2 միլիոնը ստացվել է գույքը օտարելուց, 4 միլիոն 850 հազարը նշվել է որպես «այլ եկամուտ», իսկ մյուս մասը ստացվել է աշխատանքի դիմաց վարձրատրությունից:
2014 թվականի ընթացքում Երևանի դատախազը օտարել է իր VOLKSWAGEN TOUAREG 3.2-ը՝ 8 միլիոն դրամով: Այս տարվա սկզբին նրա դրամական միջոցները եղել են 8 միլիոն դրամ, իսկ ահա վերջում ավելացել են 7 միլիոնով` դառնալով 15 միլիոն դրամ: Իսկ եկամուտները կազմել են շուրջ 18 միլիոն դրամ, որից «այլ եկամուտները» կազմել են 2 միլիոն 850 հազար դրամ, 8 միլիոնը` գույքի օտարումից է ստացվել, իսկ մյուս մասը` աշխատավարձից:
2015 թվականի վերջում նրա խնայողությունները դարձել են 18 միլիոն դրամ, իսկ եկամուտը՝ 13.02 միլիոն դրամ, որոնց զգալի մասը ստացվել է աշխատավարձից:
2016 թվականի ՀՀ գլխավոր դատախազի տեղակալի պաշտոնը ստանձնելիս Արթուր Դավթյանը հայտարարագրել է.
- Անհատական բնակելի տուն` հողամասի վրա կառուցված և իր տնտեսական շինություններով,
- Բնակարան՝ բազմաբնակարան շենքում,
- 3 հատ հողամաս,
- 18 միլիոն դրամ խնայողություն,
- 16.82 միլիոն դրամի եկամուտ, որից 12.5 միլիոնը ստացվել է վերցված վարկից, մյուս մասը՝ աշխատանքի դիմաց վարձրատրությունից:
Նրա կինը` Անի Դավթյանը, 2013-ին որևէ եկամուտ չի ունեցել, սակայն ունեցել է 10 միլիոն դրամական միջոցներ, որոնք տարվա ընթացքում անփոփոխ են մնացել: 2014-ին նրա եկամուտը եղել է 185 հազար դրամ, իսկ խնայողությունները շարունակել են մնալ անփոփոխ: 2015 թվականին նույնպես խնայողությունների չափը մնացել է անփոփոխ, իսկ եկամուտը, որը տսացվել է աշխատանքի դիմաց վարձրատրությունից, եղել է 650 հազար դրամ:
Նրա մոր՝ Սմելլա Դավթյանի հայտարարագրերը լիովին դատարակ են, չկա գույքի, եկամուտների, դրամական միջոցների վերաբերյալ որևէ նշում: Հոր՝ Սարգիս Դավթյանի, 2013 և 2014 թվականների հայտարարագրերը նույնպես դատարակ են, իսկ 2015-ին հայտարարագրել է 2 միլիոն դրամի եկամուտ, որը աստացվել է աշխատավարձից:
Ա.Կ.
