Վերաքննիչ դատարանը մերժել է «Սասնա ծռեր» խմբի անդամ Արմեն Լամբարյանի կալանքի դեմ վերաքննիչ բողոքը. նա կշարունակի կալանքի տակ մնալ:
Նրա պաշտպան Ինեսսա Պետրոսյանը բողոքարկել էր Արմեն Լամբարյանի նկատմամբ առաջին ատյանի դատարանի կողմից կալանավորումն ընտրելու որոշումը, ինչպեսև միջնորդել՝ գրավ կիրառել:
Ինեսսա Պետրոսյանը լրագրողների հետ զրույցում նշել է, որ բողոքի քննությանը դատախազը չի ներկայացել, միայն քննիչն է ներկա գտնվել և վերջինս առարկել է պաշտպանի միջնորդությանը նշելով, որ Ա. Լամբարյանը կարող է խուսափել և խոչընդոտել գործի քննությանը:
