ՀՀ ոստիկանության պետի առաջին տեղակալ, գեներալ-լեյտենանտ Հունան Պողոսյանը քիչ առաջ պատասխանելով լրագրողների հարցերին նշեց, որ զինված խումբը ներկայացրել է ընդամենը մեկ պահանջ, այն է ազատ արձակել Ժիրայր Սեֆիլյանին, այլ պահանջներ նրանք չեն ներկայացրել: Ներկայումս իրավապահ մարմինները նրանց հետ բանակցություններ են վարում և ոստիկանությունը հորդորում է զինված խմբին հանձնվել իշխանությանը:
Լրագրողների այն հարցին, թե իրավապահ մարմինները կատարելու են ներկայացված պահանջը և ազատ արձակելու են Ժիրայր Սեֆիլյանին, փոխոստիկանապետը նշեց. իհարկե ոչ:
