Այսօր Էրեբունի և Նուբարաշեն վարչական շրջանների ընդհանուր իրավասության դատարանում  դատավոր` Արտուշ Գաբրիելյանի նախագահությամբ պետք է տեղի ունենար Հայկ Սարգսյանի դեմ հարուցված քրեական գործի դատաքննությունը:

Հայկ Սարգսյանը  մեղադրվում է  այն բանի համար, որ նա հանդիսանալով ՀՀ ՊՆ N զորամասի 2-րդ գումարտակի ժամկետային զինծառայող, կոչումով շարքային, 22.06.2012 թ-ին երեք օրից ավելի, բայց մեկ ամսից ոչ ավելի տևողությամբ ինքնակամ թողել է զորամասի տարածքը:

 Այսօրվա դատական նիստին ներկայացել էր մեղադրող Տիգրան Ամբարյանը, ամբաստանյալը չէր ներկայացել դատական նիստին, քանի որ Հայկ Սարգսյանը կարգապահական մեկուսարանում 2 ամիս պատիժը կրելուց  հետո,  տեղափոխվել է այլ զորամաս, և այդ  պատճառով  չի ներկայացել դատական նիստին:

Նիստին չէր ներկայացել նաև արձակուրդում գտնվող ամբաստանյալի պաշտպան Գարիկ Մալխասյանը: Այդ  հանգամանքները հաշվի առնելով`  դատական նիստը հետաձգվեց: Հաջորդ դատական նիստը տեղի կունենա հոկտեմբերի 12-ին ժամը 16.00-ին:

.

Հանրային թղթակից` Արա Ղարագյոզյան

.

Աղբյուրը` Իրավաբան.net