Մայիսի 11-ին, ժամը 22.08-ին տեղեկատվություն է ստացվել, որ Երևանի Մ. Խորենացու փողոցի թիվ 158 շենքի մոտակայքում տեղի է ունեցել ՃՏՊ, կան տուժածներ. անհրաժեշտ է օգնություն:
Դեպքի վայր են մեկնել ՀՆՓԱԻԿ փրկարական ջոկատը, ՃԿԱԿ ՕԽ-ն և մեկ մարտական հաշվարկ:
Պարզվել է, որ «Mitsubishi colt plus» մակնիշի 34 CQ 560 պ/հ ավտոմեքենան (վարորդ՝ 1994 թ. ծնված Ս. Ս.) բախվել է արտաքին լուսավորման սյանը:
Մինչ փրկարարների կանչի վայր հասնելը` վարորդը և ուղևոր՝ 1995 թ. ծնված Մ. Բ.-ը տեղի ուժերով դուրս են բերվել ավտոմեքենայից և տեղափոխվել «Էրեբունի» ԲԿ. բժիշկները տուժածների առողջական վիճակը գնահատել են կայուն ծանր:
Փրկարարները հոսանքազրկել են ավտոմեքենան և սահմանազատել տարածքը:
