ԱԺ պատգամավոր Նիկոլ Փաշինյանն իր ֆեյսբուքյան էջում գրել է.
«Երեկ Հրազդանի օդում լուրեր էին կախված, որ Արամ Դանիելյանի թիմը Հրազդանում ընտրակաշառքներ է բաժանում և այս մասին մեր շտաբ էին հասնում տասնյակ օպերատիվ տեղեկություններ:
Այդ օպերատիվ տեղեկություններից ոչ մեկը, փաստորեն, ոստիկանություն չէր հասնում (այդ մասին անձամբ ինձ ասել է ոստիկանության բարձրաստիճան ներկայացուցիչը, պնդելով, թե նման տեղեկություններ չունի): Սա նշանակում է, որ Հրազդանի ոստիկանական մարմինները կամ չեն տիրապետում քաղաքի օպերատիվ վիճակին, կամ լռում են փրկագնի դիմաց:
Երեք դրվագով երեկ առնչվել եմ Հրազդանի ոստիկանության և քննչական մարմինների հետ, և նրանց աշխատանքը գնահատում եմ ծայրահեղ ոչ պրոֆեսիոնալ:
Կամ էլ ուղղակի գնված են:
Հ.Գ. Օդում կախված լուրերի համաձայն այսօր ընտրակաշառք բաժանելու գործընթացը Հրազդանում շարունակվելու է: Լրատվամիջոցներին հրավիրում ենք լուսաբանելու»:
