35-ամյա Շահանեն (անունը փոխված է) մեղադրվում է իր դստերը սպանելու փորձի համար: Գործը քննվում է Արարատի և Վայոց Ձորի մարզերի ընդհանուր իրավասության դատարանում՝ դատավոր Թաթուլ Պողոսյանի նախագահությամբ:
Համաձայն մեղադրական եզրակացության՝ նա 2015թվականի սեպտեմբերի 16-ի ժամը 08:00-ի սահմաններում Մասիս քաղաքի իրենց տանը ննջասենյակում իր դստերը դիտավորությամբ կյանքից զրկելու նպատակով ներարկիչի միջոցով խմացրել է սնդիկի հիդրօքսիդ: Սակայն հանցագործությունն իր կամքից անկախ հանգամանքներում ավարտին չի հասցրել, քանի որ տանը գտնվող նրա ընտանիքի անդամները երեխային կարողացել են տեղափոխել հիվանդանոց:
Ներկայումս ամբաստանյալը գտնվում է հոգեբուժական կլինիկայում:
Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
