Ծաղկաձորի քաղաքապետարանը 2015-ի դեկտեմբերի 21-ին պայմանագիր է կնքել «Վահման» ընկերության հետ՝ քաղաքում տոնական լուսավորություն ապահովելու համար:
Գնման վերաբերյալ փաստաթղթից տեղեկանում ենք, որ պայամանգրի համաձայն, ընկերությունը պետք է մինչև դեկտեմեբրի 31-ը քաղաքում տեղադրած լիներ Շատրվանի նմանվող լուսավորության համակարգ (լույսի գույնը՝ սպիտակ, Տրամագիծը՝ 6.5-7մ, միջին հատվածի բարձրությունը՝ 3մ), կախովի լուսային համակարգ (լույսի գույնը՝սպիտակ, երկարությունը՝ 6մ, լայնությունը՝ 1-1.30մ), Ամանորյա գունավոր լուսային ծառեր` 2 մետր բարձրությամբ: 
Այս ծառայությունների համար քաղաքապետարանը «Վահման» ընկերությանը արտաբյուջետային միջոցներից վճարել է շուրջ 4.4 միլիոն դրամ (ավելի քան 9000 դոլար):
