«Քաղաքացի դիտորդ» նախաձեռնությունը դիտորդություն է իրականացնում ՀՀ Սահմանադրության փոփոխությունների հանրաքվեի տեղամասերում, ներկայացնում ենք արձանագրված միջադեպերն ու խախտումները:
12:54:52
07/15, Հանձնաժողովի նախագահ Կարինե Կարապետյանը հրաժարվում է արձանագրություն կազմել կուտակումների մասին: Տեղամասում պարբերաբար քաոս է: Կատարվել է տեսագրություն:
12:52:59
07/01 տեղամասում ընտրողներին ուղղորդում են եւ ներսում եւ դրսում:
12:50:23
29/25, տեղամաս են մտնում կողմնակի անձիք, որոնք ընտրողներ չեն ու այնտեղ գտնվելու իրավունք ունեցողների խմբերից չեն, եւ վերահսկում են ընտրության ընթացքը: Խախտումը հանձնաժողովը չի արձանագրում:
12:49:04
11/35 Դիտորդը հայտնում է, որ ընտրող` Զոյա Ապրեսյանը եկել է քվեարկության, սակայն իր փոխարեն արդեն քվեարկած են եղել: Խախտումը հանձնաժողովը չի արձանագրել:
12:47:19
30/27 տեղամասում 15-ից ավելի ընտրողների կուտակումներ են, հանձնաժողովի նախագահը հրաժարվում է վերացնել խախտումը։
12:46:07
10/20, տեղամասում Դիտորդի հետ զրույցի ընթացքում կրկնակի քվեարկության դեպքից զատ 12:40-ին ընտրատեղամասում թեժ կռիվ եւ բղավոցներ են եղել, Կոտայքի մարզից բերվել էին ընտրողներ լրացուցիչ ցանկերով քվերակելու համար: Տեղամասում էր նաեւ Զարուհի Բոստանջյանը:
12:44:09
08/25, Մի անձը երկու անգամ է քվեարկել: Լուսանկար կա, սակայն հանձնաժողովը խախտումը չի արձանագրել:
12:38:03
03/22, Երեք ընտրող` Հայկ, Աիդա, Տարոն Բրուսյանները եկել են ընտրության, սակայն իրենց փոխարեն արդեն ընտրել են, ստորագրված են եղել մատյաններում իրենց անունների դիմաց:
12:36:48
Դիտորդներին սկզբում խոչնդոտվել է ցուցակից քաղվածքներ անել, հետագայում թույլատրվել է: Կա գրանցամատյանի կնքման հետ խնդիրներ: Քվեախցիկի հետեւում կա դուռ, որը փակ է:
12:31:48
Տեղամասում գտնվող ԶԼՄ ներկայացուցիչ Անուշ Թովմասյանից ստացվել է ահազանգ, որ Աշտարակ քաղաքի փոխքաղաքապետ Գևորգ Եղիազարյանը որպես կողմնակի անձ մուտք է գործել տեղամաս եւ իրեն մոլորության մեջ գցելու փորձ արել՝ վստահեցնելով, որ օրենքը թույլ չի տալիս գրանցամատյանից ինֆորմացիա քաղել: Բացի այդ Անուշ Թովմասյանը հաղորդեց, որ ՀՀԿ անդամ Գեւորգ Եղիազարյանը շրջում է քաղաքի ընտրատեղամասերով եւ նույն կերպ մոլորություն տարածում: Գրանցամատյանին ծանոթանալն ու գրառումներ կատարելը արգելված չէ ՀՀ օրենսդրությամբ:
