«Հայաստանի հանրապետության տոների և հիշատակի օրերի մասին» օրենքի համաձայն Ամանորը և Ծննդյան տոները Հայաստանում համարվում են ոչ աշխատանքային օրեր:
Ըստ նույն օրենքի Ամանորը և Ծննդյան տոները նշվում են դեկտեմբերի 31-ից հունվարի 2-ը ներառյալ (Ամանոր), հունվարի 3-ին, 4-ին և 5-ին (նախածննդյան տոներ) և հունվարի 6-ին (Սուրբ Ծնունդ և Հայտնություն):
Սուրբ Ծննդյան և Հայտնության տոնին հաջորդող` Մեռելոց հիշատակի օր` նշվում է հունվարի 7-ին:
Այս բոլոր օրերը ըստ «Հայաստանի հանրապետության տոների և հիշատակի օրերի մասին» օրենքի համարվում են ոչ աշխատանքային օրեր: Այսպիսով, ըստ օրենքի, Հայաստանի Հանրապետությունում ոչ աշխատանքաjին օրերը կսկսվեն 2015թ.-ի դեկտեմբերի 31-ին և կավարտվեն 2016թ.-ի հունվարի 7-ին` հինգշաբթի օրը` 8 օր անընդմեջ հանգստանալու հնարավորություն ընձեռելով աշխատողներին: Ոչ աշխատանքային, հանգստյան օրեր են նաև հունվարի 9-ը և 10-ը` շաբաթ և կիրակին: 2015թ.-ի դեկտեմբերի 31-ից մինչև 2016թ.-ի հունվարի 10-ը ներառյալ միակ աշխատանքային օրը համարվում է 2016թ.-ի հունվարի 8-ը, որը նպատակահարմար կլինի ՀՀ կառավարության որոշմամբ տեղափոխել հունվարի 16-ին`շաբաթ օրը, որպեսզի աշխատողների համար հնարավորություն ստեղծվի անընդմեջ հանգստանալ 11 օր` 2015թ.-ի դեկտեմբերի 31-ից մինչև 2016թ.-ի հունվարի 10-ը ներառյալ:
