Այսօր տեղի է ունեցել Փաստաբանական դպրոցի դատական նիստերի դահլիճի բացման պաշտոնական արարողությունը։ Դատական նիստերի դահլիճը հնարավորություն կտա ապագա փաստաբաններին դատախաղեր անցնել և իրական դատական պրոցեսի մասնակցության փորձ ձեռք բերել:
Միջոցառմանը ներկա են եղել արդարադատության նախարար Արփինե Հովհաննիսյանը, Փաստաբանների պալատի նախագահ Արա Զոհրաբյանը, Փաստաբանական դպրոցի տնօրեն Սիմոն Բաբայանը և այլ անձիք:
Փաստաբանական դպրոցի ունկնդիրները ուսուցման ընթացքում ուսումնասիրում են գործնական բնույթի առարկաներ, որոնք վերաբերում են Փաստաբանական գործին: Փաստաբանական դպրոցում այս պահին տեսական ուսուցում են անցնում 96 հոգի և 52 ունկնդիր էլ անցնում են գործնական ուսուցման փուլ (փորձաշրջան):
ՀՀ փաստաբանական դպրոցը հիմնադրամի կարգավիճակ ունեցող ոչ առևտրային կազմակերպություն է, որի հիմնադիրն է ՀՀ փաստաբանների պալատը:
ՀՀ փաստաբանական դպրոցը կազմակերպում և անցկացնում է ՀՀ փաստաբանական դպրոցի ունկնդիրների մասնագիտական ուսուցումը, փաստաբանների մասնագիտական վերապատրաստումը, ինչպես նաև իրականացնում է ՀՀփաստաբանական դպրոցի կանոնադրությամբ նախատեսված այլգործառույթներ:
Փաստաբանական ծրագրի ուսուցման համար անհրաժեշտ էր դատական նիստերի դահլիճ: Դատական նիստերի դահլիճի կահավորումն իրականացվել է ֆրանսահայ բարերար ՌայմոնդԵզեգուելյանի ֆինանսավորմամբ։
Բացման արարողությունից հետո դատախաղ է կազմակերպվել:
Լուսանկարներն ու տեսանյութը՝ Ալեքսանդր Սարգսյանի
