ՀՀ վերահսկիչ պալատի նախագահ Իշխան Զաքարյանը 2011թ. վերջում ունեցել է 18,7 մլն ՀՀ դրամ: Բարձրաստիճան պաշտոնատար անձանց էթիկայի հանձնաժողովին ներկայացրած հայտարարագրից տեղեկանում ենք, որ տարվա ընթացքում նրա աշխատավարձը կազմել է 8 մլն ՀՀ դրամ:

2012թ. նրա դրամական միջոցներն ավելացել են 2 մլն ՀՀ դրամով, 2013թ.-ին նվազել են՝ հասնելով 5,7 մլն ՀՀ դրամի, նա նաև ունեցել է հազար եվրո և շուրջ 3 հազար ԱՄՆ դոլար:

2014թ.-ի վերջին նրա դրամական միջոցները կազմել են 1,6 մլն ՀՀ դրամ, 1100 եվրո և 15 հազար 500 ԱՄՆ դոլար:

Համեմատած այլ պաշտոնյաների հետ, Իշխան Զաքարյանի հայտարարագիրը բավականին համեստ է, սակայն պետք չի մոռանալ, որ նրան է պատկանում Բագրեւանդ թաղամասում գտնվող շքեղ դղյակը, այս փաստը խոստովանել է նաև հենց ինքը՝ Վերահսկիչ պալատի ղեկավարը:

Իրավաբան.net