Արդարադատության նախարարությունը հոկտեմբերի 14-ին պայմանագիր է կնքել «ՀՀ փորձագիտական կենտրոն» ՊՈԱԿ-ի հետ՝ քրեական հետապնդում իրականացնող մարմինների կամ քրեական գործերով դատարանների որոշումների հիման վրա փորձագիտական հետազոտությունների իրականացում և դրա արդյունքում փորձագետի եզրակացությունների տրամադրման ծառայությունների համար:
Պայմանագրի կատարման վերջնաժամկետը մինչև այս տարվա դեկտեմբերի 30-ն է: Փորձագիտական հետազոտությունների իրականացման ու եզրակացությունների տրամադրման ծառայությունների դիմաց արդարադատության նախարարությունը «Փորձագիտական կենտրոնին» վճարել է 90 միլիոն 425 հազար դրամ:
Նշենք նաև, որ գումարը հատկացվել է արտաբյուջետային միջոցներից:
