Այսօր Տավուշի մարզպետարանը պայմանագիր է կնքել «ԽԱՉՄԻՇՇԻՆ» ընկերության հետ՝ սահմանամերձ Ներքին Կարմիր Աղբյուր համայնքի պաշտպանիչ հենապատի կառուցման համար: Շինարարական աշխատանքների համար այս ընկերությանը պետբյուջեից կվճարվի 16 միլիոն 553 հազար դրամ: Հենապատի կառուցման աշխատանքների վերջնաժամկետը մինչև այս տարվա դեկտեմբերի 20-ն է:
Նշենք, որ գնման իրավական հիմնավորումը կառավարության հուլիսի 2-ին 766-Ն որոշումն է, որի համաձայն մի շարք մարզետարանների պետական բյուջեից գումարներ էին հատկացվել: Այդ թվում Տավուշի մարզպետարանին հատկացվել էր գումար՝ Ներքին Կարմիր Աղբյուր համայնքում պաշտպանիչ հենապատի կառուցման համար:
Լուսանկարը՝ lorinews.am-ի
