Փետրվարի 16-ին, ժամը 20.40-ին, «Նիսան» մակնիշի ավտոմեքենայի վարորդը Երևանի Պռոշյան փողոցի թիվ 42 հասցեի դիմաց վրաերթի է ենթարկել 53-ամյա կնոջ, որը մարմնական վնասվածքներով տեղափոխվել է հիվանդանոց:
Կատարվում է քննություն:
***
Փետրվարի 16-ին, ժամը 21.00-ին, «Հունդայի» մակնիշի ավտոմեքենան Հրազդանի կիրճում բախվել է մայթեզրի մետաղյա խողովակին և բետոնե պատնեշին, ինչի հետևանքով ուղևորուհին մարմնական վնասվածքներով տեղափոխվել է հիվանդանոց:
Կատարվում է քննություն:
***
Փետրվարի 16-ին, ժամը 09.00-ի սահմաններում, Ալագյազ-Ապարան ճանապարհի 4-րդ կմ-ին «Միցուբիշի Պաջերո ԻՈ» մակնիշի ավտոմեքենա է բախվել «ԳԱԶել» մակնիշի ավտոմեքենայի:
«Միցուբիշի Պաջերո ԻՈ»-ի 3 ուղևորները մարմնական վնասվածքներով տեղափոխվել են հիվանդանոց:
Կատարվում է քննություն:
***
Փետրվարի 16-ին, ժամը 16.10-ի սահմաններում, Արմավիր-Երևան ճանապարհի 22-րդ կմ-ին իրար են բախվել «Միցուբիշի Պաջերո», «Մերսեդես E-230» և «Ֆոլքսվագեն Գոլֆ» մակնիշի ավտոմեքենաներ:
«Միցուբիշի Պաջերո»-ի 6-ամյա ուղևորը մարմնական վնասվածքներով տեղափոխվել է հիվանդանոց:
Կատարվում է քննություն:
***
Փետրվարի 13-ին, ժամը 19.05-ին, հիվանդանոցից ոստիկանությունում հաղորդում է ստացվել, որ աջ ծնկի շրջանի պատռված վերքով հիվանդանոց է տեղափոխվել 33-ամյա տղամարդ և հայտnել, որ վնասվածքը ստացել է Սևան քաղաքի Գրիբոյեդովի փողոցի թիվ 9 շենքի բակում` վայր ընկնելու հետևանքով:
Նյութերի նախապատրաստման ընթացքում պարզվել է, որ նա վնասվածքը ստացել է փետրվարի 13-ին, ժամը 18.00-ի սահմաններում, Երևան-Սևան ճանապարհի 48-րդ կմ-ին՝ իր վարած «ՎԱԶ-21104» մակնիշի ավտոմեքենան գովազդային վահանակի սյանը բախվելու հետևանքով:
Կատարվում է քննություն:
***
Փետրվարի 16-ին, ժամը 15.30-ին, Երևանյան-Անի փողոցների խաչմերուկում իրար են բախվել «Ֆոլքսվագեն Պասատ» և «Մերսեդես Բենց Ց-180» մակնիշի ավտոմեքենաներ:
«Ֆոլքսվագեն Պասատ»-ի ուղևորը մարմնական վնասվածքներով տեղափոխվել է հիվանդանոց:
Կատարվում է քննություն:
***
Փետրվարի 16-ին, ժամը 09.50-ին, Սևան-Երևան ճանապարհի 11-րդ կմ-ին «Տոյոտա Վիթզ» մակնիշի ավտոմեքենա է բախվել ճանապարհի երկաթյա արգելապատնեշին:
Վարորդը մարմնական վնասվածքներով տեղափոխվել է հիվանդանոց:
Կատարվում է քննություն:
***
Փետրվարի 15-ին, ժամը 23.00-ին, հիվանդանոցից ոստիկանության Մուշի բաժնում հաղորդում է ստացվել, որ գլխի վնասվածքով բուժօգնության է դիմել 13-ամյա աղջիկ:
Մեկնած օպերատիվ խմբին աղջկա մայրը հայտնել է, որ աղջիկը վնասվածքը ստացել է վայր ընկնելու հետևանքով:
Փետրվարի 16-ին, ժամը 17.00-ին, 38-ամյա մի տղամարդ հաղորդում է տվել, որ փետրվարի 15-ին, ժամը 22.00-ի սահմաններում, իր «ՎԱԶ-2106» մակնիշի ավտոմեքենայով կայանել է Գարեգին Նժդեհի և Շարա-Տալյան փողոցների խաչմերուկում գտնվող լուսացույցի տակ և այդ ընթացքում «Մերսեդես» մակնիշի ավտոմեքենան հարվածել է իր ավտոմեքենային, որն էլ հարվածել է իր դիմաց կանգնած «ՎԱԶ-2109» մակնիշի ավտոմեքենային, ինչի հետևանքով իր ավտոմեքենայում գտնվող ուղևորուհին գլխի շրջանում ստացած վնասվածքով դիմել է հիվանդանոց:
