Երևանի քաղաքապետ Տիգրան Ավինյանը հոկտեմբերի 11-ին որոշում է ստորագրել, որով Երևանի 2806-րդ տարեդարձի առթիվ, աշխատանքային պարտականությունների բարեխիղճ կատարման համար քաղաքապետի պատվոգրերով պարգևատրել է 5 աշխատակիցների։
«Ղեկավարվելով Երևան քաղաքի ավագանու 2013 թվականի փետրվարի 12-ի N604-Ն որոշման N 1 հավելվածի 5-րդ կետի 3-րդ ենթակետով, 34-րդ և 39-րդ կետերով.
1․ Երևան քաղաքի 2806-րդ տարեդարձի առթիվ, աշխատանքային պարտականությունների բարեխիղճ կատարման համար Երևանի քաղաքապետի պատվոգրերով պարգևատրել.
- Երևանի քաղաքապետարանի աշխատակազմի իրավաբանական վարչության վարչական բողոքների ուսումնասիրման բաժնի պետ Հրանուշ Ներսիսյանին,
- Երևանի քաղաքապետարանի աշխատակազմի քաղաքաշինության և հողի վերահսկողության վարչության տարածքային երկրորդ բաժնի պետ Գևորգ Ավոյանին,
- Երևանի քաղաքապետարանի աշխատակազմի ճարտարապետության և քաղաքաշինության վարչության քաղաքաշինական փաստաթղթերի ձևակերպման տարածքային երկրորդ բաժնի պետ Արտակ Սարգսյանին,
- Երևանի քաղաքապետարանի աշխատակազմի քաղաքաշինական հատուկ ծրագրերի վարչության քաղաքաշինական փաստաթղթերի կազմման բաժնի պետ Շանթ Մալխասյանին,
- Երևանի քաղաքապետարանի աշխատակազմի հասարակական կարգի պահպանության ծառայության տարածքային երրորդ բաժնի առաջատար մասնագետ Անժելա Մխիթարյանին։
2․ Սույն որոշման կատարման կազմակերպումն ու պատասխանատվությունը դնել Երևանի քաղաքապետարանի աշխատակազմի կազմակերպական վարչության պետի վրա:
3․ Որոշման կատարման հսկողությունը դնել Երևանի քաղաքապետարանի աշխատակազմի քարտուղարի վրա»։
