Լրագրողների հետ ճեպազրույցում հարցին, թե վախենում է առերեսվել ժողովրդի հետ, Նիկոլ Փաշինյանը պատասխանեց․
«Ես էս նույն ընթացքում առերեսվել և անմիջապես շփվել եմ ժողովրդի հետ Բաղանիսում, Ոսկեպարում, Կիրանցում, Ալավերդիում, Տաշիրում և մնացած բոլոր տեղերում։ Ես անընդհատ շփվում եմ ժողովրդի հետ և անընդհատ կշփվեմ ժողովրդի հետ։
ՀՀ պետական պաշտպանության ենթակա անձանց վերաբերյալ օրենսդրությունը ընդունվել է 2018 թվականի հեղափոխությունից առաջ, այնտեղ արձանագրված է, որ ՀՀ վարչապետը պետական պահպանությունից հրաժարվելու իրավունք չունի, այսինքն՝ պետական պահպանության ծառայությունը անկախ նրանից՝ ով է Հայաստանի վարչապետը, ծառայությունը պետք է իրականացնի, և դա օրենսդրորեն իրենց պարտականությունն է։
Ժողովրդի հետ շփումը եղել է, կա և կշարունակի լինել»։
