Ուկրաինայի նախագահ Վլադիմիր Զելենսկին օրենք է ստորագրել, որը թույլ է տալիս որոշ կատեգորիաների բանտարկյալներին մոբիլիզացնել Ուկրաինայի զինված ուժերի շարքեր։ Այդ մասին հայտնում է Ուկրաինայի Գերագույն ռադայի պաշտոնական կայքը։ Օրենքի համաձայն՝ ծանր հանցագործությունների, մասնավորապես՝ դիտավորյալ սպանության, բռնաբարության, սեռական բռնության համար դատապարտվածները չեն կարող մոբիլիզացվել։ Նաև նրանք, որոնք պատիժներ են կրել ազգային անվտանգության դեմ ուղղված հանցագործությունների համար։
Ըստ օրենքի, բանտարկյալների մոբիլիզացիայի, ավելի ճիշտ՝ պայմանական վաղաժամկետ ազատման մեխանիզմի ներդրումը նման կատեգորիաների քաղաքացիների նկատմամբ, միայն դատարանի որոշմամբ է։
Այն նաև ապահովում է հետևյալ պայմանները.
- բանտարկյալի կողմից որոշման կամավոր կայացումը,
- զորամասի հրամանատարի համաձայնությունը,
- բանտարկյալի հոգեկան վիճակի և առողջության համապատասխանությունը Ուկրաինայի զինված ուժերում ծառայության պահանջներին,
- երեք տարուց ավել ազատազրկումը մինչև որոշակի պատժի ավարտը։
Մոբիլիզացվածների այս կատեգորիան ծառայելու է հատուկ ստորաբաժանումներում։ Նա ասաց, որ նման անձանց նկատմամբ վարչական հսկողություն է իրականացնելու այն զորամասի հրամանատարը, որտեղ նրանք տեղակայվել են։
