9/26 տեղամասի հանձնաժողովի նախագահ Անահիտ Սարգսյանը Iravaban.net-ի հետ զրույցում հայտնել է՝ տեղամասում կարող է քվեարկել 1894 քաղաքացի, որոնցից 280-ն արդեն կատարել են իրենց քաղաքացիական պարտքը։
«Կարծում եմ՝ պասիվ է ընտրությունը։ Շուտով կլրանա 6 ժամը, ինչ սկսվել է ընտրությունը, ընտրատեղամասի դռները բացվել են։ Պասիվությունը կապում եմ Խաչվերացի հետ, մարդիկ այսօր այցելում են իրենց հանգուցյալների գերեզմաններ, բայց լավատեսությամբ մտածում եմ 3-ից հետո կակտիվանան քաղաքացիները»,-նշեց նա։
Միջադեպեր չեն գրանցվել։
Նշենք, որ այս ընտրատեղամասում քվեարկելու է քաղաքապետի թեկնածու Մանե Թանդիլյանը։
