Թուրքիան դեմ չէ ՆԱՏՕ-ի ընդլայնմանը, սակայն դեմ է ահաբեկիչներին աջակցող երկրներին: Երկրի ԱԳ նախարար Մևլյութ Չավուշօղլուն հայտարարել է, որ Թուրքիան աջակցում է ՆԱՏՕ-ի «բաց դռների» քաղաքականությանը։
Թուրքիան ՆԱՏՕ-ի դիվանագիտական գերատեսչությունների ղեկավարների հանդիպմանը գործընկերների ուշադրությանն է ներկայացրել Քրդստանի աշխատավորական կուսակցության հետ Ֆինլանդիայի և Շվեդիայի կապերի վերաբերյալ մտահոգությունը։
Ֆինլանդիան և Շվեդիան շարունակում են սահմանափակել պաշտպանական արդյունաբերության արտադրանքի արտահանումը Թուրքիա, հավելել է արտգործնախարարը։
