Դոնեցկի զինված ուժերն ազատագրել են Վոլնովախա քաղաքը։ Այդ մասին ուրբաթ օրը հայտարարել է ՌԴ պաշտպանության նախարարության պաշտոնական ներկայացուցիչ, գեներալ-մայոր Իգոր Կոնաշենկովը, փոխանցում է ТАСС լրատվական գործակալությունը:
«Դոնեցկի Ժողովրդական Հանրապետության մի խումբ զորքեր ազատագրել են Վոլնովախա քաղաքը, վերահսկողության տակ են վերցվել նաև Օլգինկա, Վելիկո-Անադոլ, Զելենի Գայ բնակավայրերը, խորությամբ առաջխաղացումը կազմել է մինչև 6 կմ»,- ասել է նա։
Նրա խոսքով՝ արևելյան, հյուսիսային և արևմտյան ուղղություններից ընդհանուր առաջխաղացումը կազմել է մինչև 800 մ։
«ՌԴ ԶՈւ ստորաբաժանումները, շարունակելով հարձակողական գործողությունները, առաջ են անցել 17 կմ»,-ասել է Կոնաշենկովը։
Կոնաշենկովը հայտնել է, որ Ռուսաստանի զինված ուժերը հեռահար ճշգրիտ զինատեսակներով հարվածներ են հասցրել Ուկրաինայի երկու ռազմական օդակայաններին։
