Ուկրաինայում փետրվարի 24-ից ի վեր առնվազն 1424 խաղաղ բնակիչ է զոհվել և վիրավորվել։ Այս մասին չորեքշաբթի Ժնևում հայտարարել է ՄԱԿ-ի Մարդու իրավունքների գերագույն հանձնակատարի գրասենյակը, փոխանցում է ТАСС լրատվական գործակալությունը։
Նշվում է, որ փետրվարի 24-ից մինչև մարտի 8-ը Ուկրաինայում գրանցել է 516 զոհ և 908 վիրավոր։
Հիշեցնենք, որ փետրվարի 24-ին՝ վաղ առավոտյան, Ռուսաստանի նախագահ Վլադիմիր Պուտինը հայտարարել էր, որ սկսում է հատուկ ռազմական գործողություն Ուկրաինայի տարածքում, որի խնդիրն է ապահովել Դոնեցկի և Լուգանսկի հանրապետությունների անվտանգությունը, ինչպես նաև հեռացնել Ուկրաինայի «նացիստական ռեժիմը»:
ԱՄՆ-ն ու ԵՄ-ն գնահատել են ՌԴ-ի այս քայլն իբրև Ռուսաստանի կողմից ուղղակի ագրեսիա ընդդեմ Ուկրաինայի տարածքային ամբողջականության և ինքնիշխանության։
Գերագույն Ռադան Ուկրաինայում ռազմական դրություն է մտցրել։
