Գորիսը պատվով դիմավորեց Արցախյան 44 օրյա պատերազմի մասնակից Հայաստան աշխարհի խիզախ արծիվներին: Այս մասին տեղեկանում ենք Գորիսի համայնքապետարանից:
«Առաջին բանակային կորպուսի և Գորիսի Գուսան Աշոտի անվան մշակույթի կենտրոնի ջանքերով՝ Արցախի Հանրապետությունում ծառայող ՊԲ-ի զորացրվող զինվորներին Գորիսում դիմավորեցին մեծ շուքով:
Օրը տոնական դարձրին կայազորի զինվորական նվագախումը, Գուսան Աշոտի անվան մշակույթի կենտրոնի մեներգիչները և Վահե Մելքումյան պարային ստուդիայի սաները:
Միջոցառմանը ներկա էին զորացրվող զինծառայողների հարազատներ, Գորիսի համայնքապետարանի, Սյունիքի մարզպետարանի, ՊՆ Զորակոչային և զորահավաքային համալրման ծառայության Սյունիքի մարզի տարածքային ստորաբաժանման ներկայացուցիչներ, ինչպես նաև Գորիսի ԵԿՄ անդամներ:
Զորացրվող զինծառայողների կողքին կանգնած էին նաև նորակոչիկները՝ իրենց աչքի առաջ ունենալով հերոս տղաների սխրանքն ու անցած ուղին»,-նշված է հայտարարության մեջ:
![](https://iravaban.net/wp-content/uploads/2021/07/207661207_4202618373165711_4735959799439665572_n.jpg)
![](https://iravaban.net/wp-content/uploads/2021/07/209674510_4202614559832759_7313777403213208520_n.jpg)
![](https://iravaban.net/wp-content/uploads/2021/07/209475639_4202615423166006_3493231618777488763_n.jpg)
![](https://iravaban.net/wp-content/uploads/2021/07/211210524_4202614713166077_3152322892549540722_n.jpg)