ԵԱՀԿ գլխավոր քարտուղար Հելգա Շմիդը հայտարարեց Դոնբասում լարվածության աճի, ինչպես նաեւ Ուկրաինայի արեւելքում հրադադարի ռեժիմի խախտման դեպքերի ավելացման մասին: Այս մասին տեղեկանում ենք РИА Новости-ից։
ԵԱՀԿ գլխավոր քարտուղարը գտնվում է Ուկրաինայում, որտեղ հանդիպում է ունեցել ուկրաինացի բարձրաստիճան պաշտոնյաների հետ, նախատեսում է նաև այցելել Դոնբաս:
«Ցավոք, վերջին մի քանի ամիսների ընթացքում մենք տեսել ենք աճող լարվածություն և հրադադարի ռեժիմի խախտումներ: Մենք, իհարկե, պարտավոր ենք լուծել այդ խնդիրները և բարելավել մարդկանց վիճակը, որպեսզի նրանք ապահով ապրեն», – ասել է Շմիդը Ուկրաինայի արտգործնախարար Դմիտրի Կուլեբայի հետ համատեղ մամուլի ասուլիսի ժամանակ:
Նրա խոսքերով` ԵԱՀԿ-ն կաջակցի հակամարտության կարգավորման բոլոր ջանքերին Մինսկի գործընթացի, ինչպես նաև «Նորմանդական գործընթաց» -ի հիման վրա:
