Եվրոպական մի շարք երկրներ պատրաստվում են նոր սահմանափակող միջոցներ կիրառել կորոնավիրուսի տարածման պատճառով: Այս մասին հաղորդում են եվրոպական լրատվամիջոցները:
Մասնավորապես, ակնկալվում է, որ նման միջոցառումների մասին կհայտարարվի Ֆրանսիայում, Իսպանիայում, Մեծ Բրիտանիայում և Նիդեռլանդներում:
Ֆրանսիայում նախատեսվում է խստացնել սահմանափակումները մի շարք խոշոր քաղաքներում, մասնավորապես Լիոնում և Նիցցայում: Այս շաբաթվա սկզբին բազմամարդ հավաքույթներն արգելվել էին Բորդոյում և Մարսելում:
Իսպանիայի առողջապահության նախարարությունն իր հերթին քննարկում է Մադրիդի և մայրաքաղաքի արվարձանների այն շրջաններում, որտեղ գրանցվել է COVID-19-ի տարածման ամենաբարդ իրավիճակը, ինքնամեկուսացման ռեժիմ մտցնելու հնարավորությունը:
Անգլիայի հյուսիս-արևելքում, ներառյալ Նյուքասլի քաղաքներում, ուրբաթ օրվանից սահմանափակումներ են սահմանվում ռեստորանների, բարերի և ժամանցի կենտրոնների գործունեության համար: Բրիտանական կառավարությունն այս շաբաթ արգելել է հավաքվել ավելի քան վեց հոգանոց խմբերով։ Սահմանափակումը գործում է ամբողջ Անգլիայում։
Առողջապահության համաշխարհային կազմակերպության (ԱՀԿ) եվրոպական դեպարտամենտի ղեկավար Հանս Կլուգեն ասել է, որ Եվրոպայում կորոնավիրուսի ներկայիս մասշտաբը չի կարող անհանգստություն չառաջացնել:
ԱՀԿ-ն հայտարարել է, որ մտադիր չէ փոխել 14-օրյա կարանտինի վերաբերյալ առաջարկությունները։ Միևնույն ժամանակ, Կլուգեն նշել է, որ չնայած կարանտին հասկացությունն ինքնին պետք է պահպանվի, այն պետք է «շարունակաբար հարմարեցվի»:
Եվրոպայում օրական հայտնաբերված դեպքերի թիվը տատանվում է 40 հազարից 50 հազարի սահմաններում, մինչդեռ նախկինում գրանցվում էր մոտ 43 հազար դեպք։ 43 հազարի ցուցանիշը գրանցվել էր ապրիլի 1-ին։ Միևնույն ժամանակ պետք է նշել, որ շատ երկրներում թեստավորումների թիվը կտրուկ աճել է:
Ըստ Worldometers պորտալի ՝ Եվրոպայում համաճարակի ժամանակ հայտնաբերվել է կորոնավիրուսի 4,2 միլիոն դեպք, հետագայում ավելի քան 214 հազար մարդ մահացել է վարակից:
