Պանելային քննարկմանը ԲԴԽ անդամ Անահիտ Աբրահամյանը նշել է, որ արդարադատության համակարգի անկախությունն այն առանցքային օղակն է, որը հնարավորություն է տալիս հետագայում լուրջ ձեռքբերումներ ունենալ դատական համակարգի զարգացման հարցում։ Նա ներկաների ուշադրությունն է հրավիրել հատկապես նրան, որ յուրաքանչյուր դատաիրավական բարեփոխում միտված է դատավորների անկախության ապահովմանը, մարդու իրավունքների պաշտպանությանը և դատական համակարգի արդյունավետության բարձրացմանը:

Հանդիպմանն անդրադարձ է եղել արդարադատության ոլորտում իրականացված բարեփոխումների չափելիությանը, հանրության կողմից դրանց ընկալման և կիրառման ուղղությամբ տարվող իրազեկման աշխատանքների շարունակականությանը։

Այս առումով առանձնացվել են դատական համակարգի թվայնացման գործընթացները, հակակոռուպցիոն կրթության ուղղությամբ համակարգված աշխատանքների անհրաժեշտությունը և իշխանության դատական և գործադիր թևեր-քաղաքացիներ մշակված հաղորդակցման կարևորությունը։

Հիշեցնենք, որ ԲԴԽ-ն ևԴատական դեպարտամենտը «Արդարացի դատաիրավական բարեփոխումները Հայաստանում» եռամյա ծրագրի շրջանակում Ժողովրդավարության զարգացման հիմնադրամի հետ իրականացրել են ոլորտի բարելավմանն ուղղված ծրագրեր, այդ թվում՝ մշակվել են դատավորների համար նախատեսված ձեռնարկներ։