Ավտոմեքենաներ ներկրողների համար զեղչեր կսահմանվեն: Այս մասին Վրաստանի վարչապետ Գիորգի Գախարիան հայտարարել է Վրաստանի կառավարության օգոստոսի 13-ի նիստում:
Այս մասին հայտնում է Aliq.ge–ն։
Վարչապետի խոսքով՝ Ֆինանսների նախարարությանը հանձնարարվել է հետաձգել ինչպես մաքսատուրքերը, այնպես էլ տոկոսները: Ըստ նրա` զեղչից կօգտվեն մոտ 24 000 մեքենայի սեփականատերեր. զեղչը ընդհանուր առմամբ մոտ 30 միլիոն լարի (մոտ 9 մլն. 720 հազար ԱՄՆ դոլար) կկազմի և արտոնությունը կտևի մինչև 2021 թվականի մարտ ամիսը:
Ըստ Գախարիայի՝ փոփոխության պատճառ է դարձել տնտեսական ճգնաժամը, որին բախվում են Վրաստանն ու ամբողջ աշխարհը:
