ՀՀ կառավարության 2020 թվականի օգոստոսի 13-ի թիվ 1329 որոշմամբ հաստատվել է Հայաստանի Հանրապետությունում 2020/2021 ուսումնական տարվա պետության կողմից ուսանողական նպաստների ձևով ուսման վարձի լրիվ փոխհատուցմամբ (անվճար) առկա ուսուցմամբ կլինիկական օրդինատուրայի ընդունելության տեղերն` ըստ մասնագիտությունների:
Որոշման համաձայն` ՀՀ առողջապահության նախարարությանը հատկացվել է 58 տեղ` հետևյալ մասնագիտություններով.
Լաբորատոր ախտորոշում – 2 տեղ
Ընդհանուր վիրաբուժություն – 2 տեղ
Անեսթեզիոլոգիա և ռեանիմատոլոգիա – 8 տեղ
Ակնաբանություն – 1 տեղ
Մանկաբարձություն և գինեկոլոգիա – 1 տեղ
Քիթ-կոկորդ-ականջաբանություն /օտորինոլարինգոլոգիա/ – 2 տեղ
Նյարդաբանություն – 3 տեղ
Ուրոլոգիա – 1 տեղ
Ընտանեկան բժշկություն – 6 տեղ
Հոգեբուժություն – 1 տեղ
Մանկական հոգեբուժություն – 1 տեղ
Մանկաբուժություն – 3 տեղ
Նեոնատոլոգիա – 2 տեղ
Ներքին բժշկություն – 4 տեղ
Ինֆեկցիոն հիվանդություններ – 3 տեղ
Վնասվածքաբանություն և օրթոպեդիա – 1 տեղ
Ճառագայթային ախտորոշում – 4 տեղ
Սրտաբանություն /կարդիոլոգիա/ – 3 տեղ
Ներզատաբանություն /էնդոկրինոլոգիա/ – 2 տեղ
Շտապբուժօգնություն – 2 տեղ
Մանկական անեսթեզիոլոգիա և ռեանիմատոլոգիա – 2 տեղ
Համաճարակաբանություն – 2 տեղ
Դատաբժշկական փորձաքննություն – 1 տեղ
Մեղրիի հատկացվող տեղեր – 1 տեղ
Հիշեցնում ենք, որ առողջապահության նախարարությունը նախաձեռնել է նպատակային կլինիկական օրդինատուրայի գործընթացի բարեփոխումներ: Մասնավորապես նախատեսվում է, որ այս տարվանից կլինիկական օրդինատուրա ընդունվող բժիշկ-մասնագետներն ավարտելուց հետո մարզային բժշկական կազմակերպություններում մասնագիտական գործունեություն կիրականացնեն 3 տարի` նախկին 5 տարվա փոխարեն:
Նշանակումներ կատարելիս` նախարարությունը հաշվի կառնի գործուղվող բժիշկ-մասնագետի նախապատվությունը, ինչպես նաև նրանց կաջակցի մարզերում կացության հարցում, որի ուղղությամբ կատարվում են սոցիալական աջակցության մեխանիզմների մշակման աշխատանքներ:
Նշենք, որ ուսումնառության ընթացքում կլինիկական օրդինատորները ստանում են կրթաթոշակ` նվազագույն աշխատավարձի չափով:
Գրանցման և մանրամասներին ծանոթանալու համար ցանկացողները կարող են դիմել առողջապահության նախարարություն (Կառավարական տուն N 3), Անձնակազմի կառավարման վարչություն, 211 սենյակ, հեռ. 060-80-80-03/1504, էլ.հասցե` [email protected]:
