Առողջապահության նախարար Արսեն Թորոսյանը հայտարարություն է տարածել, որում ասվում է․
«Վերջին օրերին հիվանդության աճի տեմպը գրեթե նույնն է` 3-5% սահմաններում:
Աճի կորի հարթեցումը մեզ որոշակիորեն հաջողվել է: Որոշակիորեն հաջողվել է ժամանակ շահել և վերադասավորվել` հիվանդության դեմ պայքարի ավելի կազմակերպված համակարգ ունենալու համար:
Սակայն այդ ջանքերը դեռ պետք է շարունակվեն: Եվ դրանք պետք է լինեն կոլեկտիվ` բոլորիս կողմից: Մենք պետք է շարունակենք պահպանել հեռավորությունը միմյանց միջև, ձեռքերը հաճախ ախտահանենք, փակենք մեր բերանը դիմակով, երբ հնարավոր է:
Սահմանափակումների թուլացմանը զուգընթաց, մենք առավել մեծ անձնական պատասխանատվություն պետք է դրսևորենք վարակի տարածումը կանխարգելելու համար:
Սահմափակումների թուլացումը չի նշանակում, որ այլևս վտանգ չկա վարակվելու և վարակելու ուրիշներին, հատկապես մեր տարեց և քրոնիկական հիվանդություններով հարազատներին, մեր հայրերին և մայրերին, մեր տատիկներին և պապիկներին»:
![Нет описания фото.](https://scontent.fevn6-1.fna.fbcdn.net/v/t1.0-9/94615940_1210936462425950_3555695320031559680_o.jpg?_nc_cat=104&_nc_sid=8024bb&_nc_ohc=_eA9ryC0xgUAX9T5dTb&_nc_ht=scontent.fevn6-1.fna&oh=69550488a9ff060e7140f3f8dcbf3f61&oe=5ECC2E5E)