Հայաստանի Հանրապետության արդարադատության խորհուրդը 2013թ. փետրվարի 22-ի նիստում քննարկելով Տավուշի մարզի ընդհանուր իրավասության առաջին ատյանի դատարանի դատավորի թափուր պաշտոնում դատավոր նշանակելու համար Վճռաբեկ դատարանի նախագահ Արման Մկրտումյանի կողմից ներկայացրած թեկնածությունը` Զարուհի Կարենի Նախշքարյանի վերաբերյալ, որոշեց հավանություն տալ:
Խորհուրդը որոշեց հավանություն տալ նաև Վճռաբեկ դատարանի նախագահի ներկայացրած մյուս թեկնածությանը` Դավիթ Մարատի Գրիգորյանին Սյունիքի մարզի ընդհանուր իրավասության առաջին ատյանի դատարանի դատավորի պաշտոնում նշանակելու համար:
Ինչպես հայտնում է ՀՀ դատական դեպարտամենտը, Խորհուրդը միաժամանակ որոշեց Հայաստանի Հանրապետության Նախագահին ներկայացնել դատավորի թեկնածուներին` դատավորի պաշտոնում նշանակելու համար:
Աղբյուրը՝ Իրավաբան.net
