Երևանի քաղաքապետարանի «Երևանտրանս» ՓԲԸ աշխատակիցները ստուգայցեր են իրականացնում մայրաքաղաքի հասարակական տրանսպորտը սպասարկող երթուղիներում: Տեղում ստուգվում է ուղեգրերի վրա բուժակ-մեխանիկի կնիքի, վարորդների վարորդական իրավունքի առկայությունը, ինչպես նաև մեքենաների արտաքին տեսքի և ուղևորասրահի համար սահմանված անհրաժեշտ պայմանների ապահովումը:
Այս մասին հայտնում են Երևանի քաղաքապետարանից:
Հերթական շրջայցի ընթացքում ստուգումներ են իրականացվել թիվ 13, 57 և 99 երթուղիներում: Միկրոավտոբուսային թիվ 99 երթուղում ուսումնասիրության ընթացքում հայտնաբերվել են արտաքին և ներքին տեսքի մի շարք թերություններ: Մասնավորապես, որոշ մեքենաների ուղևորասրահներ գտնվել են հակասանիտարական և անբարեկարգ վիճակում: Այդ մեքենաները դուրս են բերվել երթուղուց:
Ստուգայցերի ժամանակ ընկերության աշխատակիցները վարորդներին մեկ անգամ ևս հորդորել են չծխել ղեկին և հիշեցրել, որ սահմանված կանոնները չպահպանելու պարագայում վերջիններս կենթարկվեն վարչական պատասխանատվության:
Ստուգայցերը կրելու են շարունակական բնույթ. ուսումնասիրվելու են բոլոր երթուղիները:
![](https://www.yerevan.am/uploads/media/news_gallery/0001/92/ed8a591e3cb82d2a707a20b48262082d0cc3d9a5.jpeg)
![](https://www.yerevan.am/uploads/media/news_gallery/0001/92/f5ece63273a0858e0f1615ead3e7e3b50fd57a24.jpeg)
![](https://www.yerevan.am/uploads/media/news_gallery/0001/92/4f20823488bdd47bf5bc2664321fe2a1563a78af.jpeg)
![](https://www.yerevan.am/uploads/media/news_gallery/0001/92/2d292f9d04af515305794b2cc4d6c15d230b0529.jpeg)
![](https://www.yerevan.am/uploads/media/news_gallery/0001/92/18251904e632543b2586fbdfe9d8238f0df72a76.jpeg)
![](https://www.yerevan.am/uploads/media/news_gallery/0001/92/8eb67551b3687416db859f257a400d3a30d097a2.jpeg)