Քանի որ մոտենում է «Սև ուրբաթը», և մեծ զեղչեր են լինելու տարբեր խանութ-սրահներում, ապա դրանց զուգահեռ ակտիվացել են կիբեր-հանցագործները։
Այս մասին գրում է մեդիափորձագետ Սամվել Մարտիրոսյանը:
Նրա խոսքով, այս պահին կիբեր-հանցագործների «սցենարն» այսպիսին է.
- ստեղծվում է կեղծ կայք, որը նմանակում է հայտնի բրենդները,
- ֆեյսբուքով այն գովազդվում է ձեզ, առաջարկվում են աննման զեղչեր,
- դուք խաբվում եք, գնում եք կատարում։
Լավագույն դեպքում կորցնում եք գնումի գումարը։ Վատագույն․ քարտից էլի գումար են տանում։
Ի՞նչ անել․
- Մեծ զեղչերի դեպքում մտահոգվում եք
- Ուշադիր նայում եք հասցեին ֊ ու մի հատ գուգլում տվյալ բրենդի անունը ֊ հաստատ ուրիշ կայք կգտնեք, որը իրական է
- Եթե բրենդային խանութ չէ, պարզապես լավ էժան է, կամ ամեն դեպքում, կայքը ստուգում եք Scamadviser.
Սամվել Մարտիրոսյանը նշում է, որ հին, վատ կայքերի դեպքում դուք ստանում եք զգուշացում, որ չօգտվեք դրանից։«Բայց հիմա հիմնականում կայքեր են, որոնք չեն հասցրել ուսումնասիրվել մասնագետների կողմից։ Այդ դեպքում ձեզ պետք է մտահոգի կայքի թարմությունը։ Այս պահին այդ ծուղակային կայքերի կյանքի տեւողությունը մաքսիմում երկու-երեք շաբաթ է։ Եթե տեսնում եք, որ լրիվ նոր կայք է՝ հաստատ անցնում եք կողքով»,-գրել է նա։
