Կառավարությունը նոր որոշման համաձայն սահմանվել է վերադաս մաքսային մարմնի, վերադաս մաքսային մարմնի մաքսատուն-վարչությունների ու մաքսային կետ-բաժինների տեղակայման վայրերը:

Այսպիսով, սահմանվել է, որ ՝

1) վերադաս մաքսային մարմնի Արևմտյան մաքսատուն-վարչության գործունեության տարածք են հանդիսանում «Զվարթնոց» և «Էրեբունի» օդանավակայանների տարածքները.

2) վերադաս մաքսային մարմնի Արարատյան մաքսատուն-վարչության գործունեության տարածք են հանդիսանում Երևանը, Հայաստանի Հանրապետության Արարատի, Արմավիրի, Արագածոտնի, Կոտայքի և Գեղարքունիքի մարզերի վարչական տարածքները.

3) վերադաս մաքսային մարմնի Հարավային մաքսատուն-վարչության գործունեության տարածք են հանդիսանում Հայաստանի Հանրապետության Սյունիքի և Վայոց ձորի մարզերի վարչական տարածքները.

4) վերադաս մաքսային մարմնի Արևելյան մաքսատուն-վարչության գործունեության տարածք են հանդիսանում Հայաստանի Հանրապետության Լոռու և Տավուշի մարզերի վարչական տարածքները.

5) վերադաս մաքսային մարմնի Հյուսիսային մաքսատուն-վարչության գործունեության տարածք է հանդիսանում Հայաստանի Հանրապետության Շիրակի մարզի վարչական տարածքը:

ՎԵՐԱԴԱՍ ՄԱՔՍԱՅԻՆ ՄԱՐՄՆԻ, ՎԵՐԱԴԱՍ ՄԱՔՍԱՅԻՆ ՄԱՐՄՆԻ ՄԱՔՍԱՏՈՒՆ-ՎԱՐՉՈՒԹՅՈՒՆՆԵՐԻ ՈՒ ՄԱՔՍԱՅԻՆ ԿԵՏ-ԲԱԺԻՆՆԵՐԻ ՏԵՂԱԿԱՅՄԱՆ ՎԱՅՐԵՐԸ

1. Հայաստանի Հանրապետության կառավարությանը ենթակա պետական եկամուտների կոմիտե` քաղ. Երևան, Մովսես Խորենացի 3,7:

2. Վերադաս մաքսային մարմնի Արևմտյան մաքսատուն-վարչություն` քաղ. Երևան, «Զվարթնոց» օդանավակայան, քաղ. Երևան, Տիգրան Մեծի 1-ին փակուղի, 1 և «Էրեբունի» օդանավակայան, քաղ. Երևան, Արշակունյաց պող. 135, ինչպես նաև իր գործունեության տարածքում գործող ժամանակավոր պահպանման, մաքսային և ազատ պահեստների ու ազատ տնտեսական գոտիների գտնվելու վայրերը:

3. Վերադաս մաքսային մարմնի Արարատյան մաքսատուն-վարչություն` քաղ. Երևան, Ծովակալ Իսակովի 10, 10ա, Արշակունյաց 127/21, ինչպես նաև իր գործունեության տարածքում գործող ժամանակավոր պահպանման, մաքսային և ազատ պահեստների ու ազատ տնտեսական գոտիների գտնվելու վայրերը:

4. Վերադաս մաքսային մարմնի Հարավային մաքսատուն-վարչություն` Հայաստանի Հանրապետության Սյունիքի մարզ, Շաքիի համայնք, ինչպես նաև իր գործունեության տարածքում գործող ժամանակավոր պահպանման, մաքսային և ազատ պահեստների ու ազատ տնտեսական գոտիների գտնվելու վայրերը՝

1) Մեղրիի մաքսային կետ-բաժին` Հայաստանի Հանրապետության Սյունիքի մարզ, Կարճևանի համայնք:

5. Վերադաս մաքսային մարմնի Արևելյան մաքսատուն-վարչություն` Հայաստանի Հանրապետության Լոռու մարզ, քաղ. Վանաձոր, Մոսկովյան 44, ինչպես նաև իր գործունեության տարածքում գործող ժամանակավոր պահպանման, մաքսային և ազատ պահեստների ու ազատ տնտեսական գոտիների գտնվելու վայրերը`

1) Բագրատաշենի մաքսային կետ-բաժին` Հայաստանի Հանրապետության Տավուշի մարզ, Բագրատաշենի համայնք.

2) Այրում-Ջիլիզայի մաքսային կետ-բաժին` Հայաստանի Հանրապետության Լոռու մարզ, «Այրում» ե/գ կայարան, Հայաստանի Հանրապետության Լոռու մարզ, Ալավերդու համայնք, Մադան թաղամաս.

3) Գոգավան-Պրիվոլնոյեի մաքսային կետ-բաժին` Հայաստանի Հանրապետության Լոռու մարզ, Ձորամուտի համայնք, գյուղ Գոգավան, Հայաստանի Հանրապետության Լոռու մարզ, Պրիվոլնոյեի համայնք:

6. Վերադաս մաքսային մարմնի Հյուսիսային մաքսատուն-վարչություն` Հայաստանի Հանրապետության Շիրակի մարզ, քաղ. Գյումրի, Մովսես Խորենացու 1, 2, ինչպես նաև իր գործունեության տարածքում գործող ժամանակավոր պահպանման, մաքսային և ազատ պահեստների ու ազատ տնտեսական գոտիների գտնվելու վայրերը`

1) Բավրայի մաքսային կետ-բաժին` Հայաստանի Հանրապետության Շիրակի մարզ, Բավրայի համայնք.

2) «Շիրակ» օդանավակայանի մաքսային կետ-բաժին` Հայաստանի Հանրապետության Շիրակի մարզ, քաղ. Գյումրի, «Շիրակ» օդանավակայան:

Որոշումն ընդունվել է մայիսի 3-ին, ուժի մեջ կմտնի մայիսի 26-ին: