Մարտի 7-ին, Ազգային ժողովում պատգամավորները քվեարկեցին նախորդ օրը քննարկված օրինագծերի համար: Նիստին 105 պատգամավորից ներկա էր 92-ը:
«Տնտեսական մրցակցության մասին» օրենքը քննարկելիս ելույթ ունեցավ «Ելք» խմբակցության անդամ Արտակ Զեյնալյանը:
Նրա խոսքով՝ տնտեսական մրցակցության ոլորտում բազմաթիվ խնդիրներ կան:
«Կարծում եմ, որ գործող մեխանիզմները բավարար չեն դրանց լուծման համար: Պարոն Շաբոյանը նշեց, որ անուղղակի ապացույցներով են պարզվում խախտումները, սակայն անուղղակի ապացույցներով անձը չի կարող ենթարկվել պատասխանատվության: Այս արարքի կատարման համար քրեական պատասխանատվություն է նախատեսված: Մարդը պետք է ունենա նույն երաշխիքները և ապացույցները պետք է լինեն ուղղակի, ոչ թե անուղղակի: Բոլոր մոնոպոլները, ասենք բանանի, բենզինի գինը միշտ կարողացել են հիմնավորել, սա անիրատեսական է և եթե պետությունը գին է որոշում, ապա հանգում է այն արդյունքին, ինչին հանգեց ԽՍՀՄ-ն,լ երբ գներն էին վերահսկում, ոչ թե ստեղծում էին մրցակցային պայմաններ»,-նշեց Արտակ Զեյնալյանը:
Հանրային խորհրդի մասին օրենքը ընդունվեց 64 կողմ, 32 դեմ, 0 ձեռնպահ ձայների հարաբերակցությամբ:
Անվտանգության խորհրդի կազմավորման եւ գործունեության մասին օրենքը ընդունվեց 89 կողմ, 8 դեմ, 0 ձեռնպահ ձայների հարաբերակցությամբ:
«Հայաստանի Հանրապետության պետական պարգեւների եւ պատվավոր կոչումների մասին» Հայաստանի Հանրապետության օրենքում փոփոխություններ եւ լրացումներ կատարելու մասին առաջին ընթերցմամբ օրենքը ընդունվեց 64 կողմ, 8 դեմ, 25 ձեռնպահ ձայների հարաբերակցությամբ:
Հանրաքվեի մասին առաջին ընթերցմամբ օրենքը ընդունվեց 64 կողմ, 33 դեմ, 0 ձեռնպահ ձայների հարաբերակցությամբ:
Սակայն քվերակությունից հետո պատգամավոր Նիկոլ Փաշինյանը հայտարարեց, որ քվերակելիս պատգամավոր Աշոտ Արսենյանը ներկա չի եղել, սակայն իր անվան դիմաց նշվել է «կողմ»:
«Քվեարկել դուրս են եկել և հիմա մենք չենք կարող վերադառնալ հարցին, որոշումն ընդունվել է»,-նշեց ԱԺ նախագահ Արա Բաբլոյանը:
«Որերորդ անգամ բախվում ենք այն խնդրին, որ մեկը մյուսի փոխարեն է քվերակել, սա շատ էական հարց է»,-նշեց Արարատ Միրզոյանը:
Նոր քվերակություն տեղի չունեցավ:
Կառավարության կառուցվածքի եւ գործունեության մասին օրենքը ընդունվեց 63 կողմ, 30 դեմ, 0 ձեռնպահ ձայների հարաբերակցությամբ:
Ներման մասին օրենքը ընդունվեց 61 կողմ, 31 դեմ, 0 ձեռնպահ ձայների հարաբերակցությամբ:
Քաղաքացիական ծառայության մասին օրենքը ընդունվեց 63 կողմ, 34 դեմ, 0 ձեռնպահ ձայների հարաբերակցությամբ: 63, 34, 0
Միջհամայնքային միավորումների մասին օրենքը ընդունվեց 60 կողմ, 35 դեմ, 0 ձեռնպահ ձայների հարաբերակցությամբ:
«Օտարերկրացիների մասին» Հայաստանի Հանրապետության օրենքում փոփոխություններ կատարելու մասին օրենքը ընդունվեց 88 կողմ, 8 դեմ, 0 ձեռնպահ ձայների հարաբերակցությամբ:
«Տնտեսական մրցակցության պաշտպանության մասին» Հայաստանի Հանրապետության օրենքում փոփոխություն կատարելու մասին օրենքը ընդունվեց 96 կողմ, 0 դեմ, 0 ձեռնպահ ձայների հարաբերակցությամբ:
«Պետական պաշտոններ զբաղեցնող անձանց վարձատրության մասին» Հայաստանի Հանրապետության օրենքում փոփոխություններ եւ լրացումներ կատարելու մասին օրենքը ընդունվեց 88 կողմ, 8 դեմ, 0 ձեռնպահ ձայների հարաբերակցությամբ:
Կարդացեք նաև՝
- Նոր նախագիծ՝ նախագահի, վարչապետի, ԱԺ նախագահի աշխատավարձերի վերաբերյալ
- Նոր նախագծով՝ դատական համակարգում ամենաբարձր աշխատավարձը կստանա ՍԴ նախագահը
- Որքա՞ն աշխատավարձ կստանան դատախազները
- Որքա՞ն աշխատավարձ կստանան ԱԺ պատգամավորները
- Ի՞նչ աշխատավարձ կստանան ԱԱԾ-ի աշխատակիցները
- Ոստիկանապետի և նրա տեղեկալաների աշխատավարձերի չափը նոր օրինագծով
- Որքա՞ն կկազմի մարզպետարանի աշխատակիցների աշխատավարձերը
Հայաստանի Հանրապետության քրեական դատավարության օրենսգրքում փոփոխություններ կատարելու մասին և Հայաստանի Հանրապետության վարչական դատավարության օրենսգրքում փոփոխություններ եւ լրացում կատարելու մասին օրենքները ընդունվեցին 88 կողմ, 8 դեմ, 0 ձեռնպահ ձայների հարաբերակցությամբ:
Եվգենյա Համբարձումյան
