Վերջին տարիներին մարդատար ավտոմեքենաների ներմուծման ամենամեծ քանակը եղել է 2014 թվականին. այս տեղեկությունը ստանում ենք ՊԵԿ մաքսային ծառայության վիճակագրակունը վերլուծելիս:
Այսպես, 2013 թվականին 38 600 ավտոմեքենա է ներկրվել, ընդհանուր 254 067 600 դոլար մաքսային արժեքով:
2014 թվականին ներկումների թիվն ավելացել է՝ 44 300 ավտոմեքենա՝ ընդհանուր 279 101 600 դոլար մաքսային արժեքով:
Իսկ ահա 2015-ին ներկրումներն էականորեն նվազել են՝ 27 300 ավտոմեքենա՝ ընդհանուր 133 421 600 դոլար մաքսային արժեքով:
2016 թվականի ընթացքում Հայաստան է ներմուծվել 33 հազար ավտոմեքենա՝ ընդհանուր 130 601 000 դոլար մաքսային արժեքով:
Նշենք, որ խոսքը չի վերաբերում 18 և ավելի շատ մարդ տեղափոխող ավտոմեքենաներին:
Այսինքն, ընդհանուր առմամբ, 2013-2016 թվականներին Հայաստան է ներկրվել 143 հազար 200 ավտոմեքենա:
Նյութը պատրաստվել է «Փաստերի վրա հիմնված բարեփոխումների ջատագովություն» ծրագրի շրջանակներում, որն իրականացվում է կոնսորցիումի անդամների՝ Իրավաբանների հայկական ասոցիացիայի, Ինֆորմացիոն տեխնոլոգիաների ձեռնարկությունների միության և Եվրոպական բիզնես ասոցիացիայի կողմից ՝ Աջակցություն ՓՄՁ զարգացմանը ծրագրի ֆինանսավորմամբ:
Սույն ծրագիրն իրականացվում է «Աջակցություն ՓՄՁ զարգացմանը Հայաստանում» ծրագրի շրջանակներում, որը համաֆինանսավորվում է Եվրոպական միության և Գերմանիայի դաշնային հանրապետության տնտեսական համագործակցության և զարգացման նախարարության կողմից: Այն իրականացվում է ԳՄՀԸ «Մասնավոր հատվածի զարգացումը Հարավային Կովկասում» ծրագրի շրջանակում: «Աջակցություն ՓՄՁ զարգացմանը Հայաստանում» ծրագիրը հանդիսանում է Եվրոպական միության «ԵՄ-ն՝ Բիզնեսի համար» և «ԵՄ-ն՝ Նորարարության համար» նախաձեռնությունների մաս:
Աստղիկ Կարապետյան
