Հռոմի պապ Լևոն XIV-ը ողջունել է Հայաստանի և Ադրբեջանի միջև օգոստոսի 8-ին ստորագրված խաղաղության վերաբերյալ հռչակագիրը՝ աշխարհում շարունակվող հակամարտությունների ֆոնին հույսի նշան համարելով այն:
«Արմենպրես»-ի հաղորդմամբ՝ ինչպես փոխանցում է Vatican News-ը, կիրակնօրյա աղոթքի ժամանակ Հռոմի պապը սրտանց կոչ է արել միջազգային որոշում կայացնողներին պատասխանատվություն կրել հակամարտությունների լուծումներ փնտրելու համար՝ գոհունակություն հայտնելով Հայաստանի և Ադրբեջանի միջև խաղաղության համաձայնագրի կապակցությամբ:
Այնուհետև Հռոմի պապը շնորհավորել է ստորագրված հռչակագիրը՝ առաջընթացի նշանակալի քայլ համարելով այն:
«Մենք բոլորս հույս ունենք, որ այն կնպաստի Հարավային Կովկասում կայուն և երկարատև խաղաղությանը»,-ասել է նա։
