Քննչական կոմիտեի տնտեսական հանցագործությունների և մաքսանենգությունների քննության գլխավոր վարչության պետի նախկին ժամանակավոր պաշտոնակատար Գոռ Թադևոսյանի խափանման միջոցը փոխվել է։ Այս մասին Iravaban.net-ին հայտնեցին դատարանից։
Հիշեցնենք, որ Գոռ Թադևոսյանը երեք ամսով կալանավորվել է։ Դատարանը կիրառել է համակցված խափանման միջոց՝ գրավ, երկրից բացակայելու արգելք և տնային կալանք։
Ավելի վաղ հայտնել էինք, որ Գոռ Թադևոսյանը մեղադրվում է ՔԿ տնտեսական հանցագործությունների և մաքսանենգությունների քննության գլխավոր վարչության շենքից 590.000 ԱՄՆ դոլար գումարի հափշտակության համար։
