Գյումրի համայնքի ղեկավարի պաշտոնակատար Սարիկ Մինասյանը, որը հավակնում է նաև առաջիկա ընտրություններից հետո քաղաքապետի պաշտոնին, Կենտրոնական ընտրական հանձնաժողովին է ներկայացրել իր գույքի և եկամուտների հայտարարագիրը։
Iravaban.net-ն ուսումնասիրել է այն, ներկայացնում է ընթերցողների դատին։
44-ամյա Սարիկ Մինասյանը հայտարարագիրը ներկայացրել է մարտի 5-ին՝ 2024-ի փետրվարի 1-ից 2025-ի փետրվարի 1-ն ընկած ժամանակաշրջանի համար։
Թեկնածուն հայտարարագրել է բնակարան Գյումրիում՝ շուրջ 100 քմ մակերեսով, այն հանդիսանում է համատեղ սեփականություն։
Հայտարարագրվել է 2 մեքենա, 2-ն է Mersedes Benz մակնիշի։ Դրանցից մեկը թողարկվել է 2008-ին (S550) և 1998 թվականին (E320):
Սարիկ Մինասյանը 4 աղբյուրից եկամուտ է հայտարարագրել․
- Միասնական սոցիալական ծառայություն-4,858,563 դրամ,
- Գյումրու համայնքապետարան-496,965 դրամ,
- ԱԿԲԱ բանկ-2,5 միլիոն դրամ,
- ԱԿԲԱ բանկ-800 հազար դրամ։
Հայտարարագրված դրամական միջոցները․
- 19 միլիոն ՀՀ դրամ,
- 3500 եվրո,
- 6000 ԱՄՆ դոլար։
Բացի այդ, «Քաղաքացիական պայմանագիր» կուսակցության թեկնածուն նաև պարտատոմսերի տեսքով ներդրում է կատարել ԱԿԲԱ բանկում, գնել է 20 պարտատոմս՝ 200 հազար դրամով։
