Ապրիլի 8-ին ոստիկանության Աշտարակի բաժնում տեղի մի բնակիչ հաղորդում էր տվել, որ գողացել են Սիսակյան փողոցում կայանված իր «ՎԱԶ-2104» մակնիշի ավտոմեքենան։
Այս մասին հայտնում են ՆԳՆ ոստիկանությունից։
Արագածոտնի մարզային քննչական վարչությունում գողության հատակնիշներով նախաձեռնվել էր քրեական վարույթ։
Ձեռնարկված օպերատիվ-հետախուզական գործողությունների արդյունքում նույն օրը՝ ժամը 19.30-ի սահմաններում, գողացված մեքենան հայտնաբերվեց Փարաքարում և տեղափոխվեց Աշտարակի բաժնի պահպանվող հատուկ տարածք։
Աշտարակի քրեական հետախույզները հետագա միջոցառումներով պարզել են, գողությունը կատարել էր 57-ամյա մի տղամարդ։
Ապրիլի 11-ին ձերբակալվեց և տեղափոխվեց Աշտարակի բաժին, որտեղ խոստովանեց արարքը։
Պարզվել է, որ տղամարդը ոստիկանության Կենտրոնական բաժնի կողմից հետախուզվում էր քրեական օրենսգրքի 456-րդ հոդվածի մեղադրանքով։
Կազմված փաստաթղթերով հանդերձ՝ նա ներկայացվել է Արագածոտնի մարզային քննչկական վարչություն։ Հանգամանքները պարզվում են։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
