Երևանի Իսակովի պողոտայում 3000 քառակուսի մետր խոտածածկ տարածք է այրվում: Դեպքի վայրում աշխատում է երկու մարտական հաշվարկ, երրորդը մոտենում է:
Այս մասին Iravaban.net-ի հետ զրույցում հայտնեց Հայաստանի ներքին գործերի նախարարության մամուլի խոսնակ Նարեկ Սարգսյանը:
«19:02-ին 911 ահազանգ է ստացվել, որ Իսակովի պողոտայի հարակից տարածքում հրդեհ է: Այրվում է շուրջ 3000 քառակուսի մետր խոտածածկ տարածք՝ եղեգ: Այս պահին դեպքի վայրում աշխատում է երկու մարտական հաշվարկ, երրորդը օգնության է մեկնում»,- նշեց Սարգսյանը:
Այլ մանրամասներ չեն հաղորդվում:
Նշենք՝ ավելի վաղ ֆեյսբուքում տեսանյութ էր տարածվել, որ Իսակովի պողոտայում խոշոր հրդեհ է բռնկվել։
